ЗА НАС

Друштвото за производство, трговија и услуги РКМ Скопје е основано со цел да обезбеди врвен квалитет во трговијата на големо со енергенси и нафтени деривати. РКМ Скопје е една од најмладите, но и најдинамичните нафтени компании во Република Македонија.

Иако млада, компанијата за само три години од своето основање се позиционира како лидер во регионот за продажба и дистрибуција на Мазут М1 HC, станувајќи препознатлив бренд со респектабилна репутација.

Нашиот тим го сочинуваат одговорни и стручни професионалци со висока стручна спремност, чија работа ја карактеризираат интелект, култура, почит и ефикасна мобилност. Да се биде дел од РКМ значи да се биде партнер, пријател и поддршка на нашите клиенти и бизнис партнери.

Мисијата на РКМ Скопје е да биде доверлив и долгорочен снабдувач на енергенси за сите индустриски капацитети на територијата на Балканот. Компанијата има воспоставено цврсти и стабилни партнерства со нафтени компании од Србија, Босна и Херцеговина, Хрватска и Словенија, каде што се смета за клучен добавувач на термоелектрани и индустриски производствени капацитети.

РКМ соработува и со добавувачи и рафинерии од Грција, Бугарија, Словачка и Германија, што овозможува континуитет и сигурност во снабдувањето. Компанијата функционира според највисоки корпоративни стандарди и, во согласност со своите можности, дел од профитот го насочува кон донации за оние на кои им е најпотребно.

Ратко Капушевски
Генерален директор

Ратко е роден во 1986 година во Скопје, Република Македонија. Во 2009 година, по дипломирањето на Правниот факултет, магистрирал по локална самоуправа и локален економски развој.

На 22 години, по завршувањето на магистратурата, станал најмладиот генерален директор во Република Македонија во Националната агенција за европски образовни програми и мобилност, со главна цел развој на образованието во земјата.

Во 2010 година, Владата на Република Македонија го именува за генерален директор на Спортскиот центар „Борис Трајковски“, најголемиот спортски центар во државата, каде се истакнува по реализирањето на капитални инфраструктурни проекти кои се градат за прв пат во земјата. Во 2014 година преминува во приватниот сектор како проект менаџер и генерален директор на холдинг компанија, а во 2019 година започнува да ја води сопствената компанија под името РКМ.